НҮБ-ын Ерөнхий Ассамблейн 1985 оны 40/212 тоот тогтоолоор жил бүрийн 12-р сарын тавны өдрийг  Олон улсын сайн дурынхны өдөр болгон тэмдэглэж ирсэн. Энэхүү тэмдэглэлт өдрийг угтан “Монголын сайн дурынхны байгууллагууд”-ын сүлжээнээс өнөөдөр хэвлэл мэдээллийн хурал хийлээ.

Аливаа улс хөгжихийн хирээр сайн дурын үйл ажиллагааны хэрэгцээ төдий чинээ нэмэгдэж, үнэлэмж нь дээшилдэг. Зарим орны төр, засгийн газар үйлчлэлийн хөтөлбөр, сайн дурын үйл ажиллагааг дэмжихийн зэрэгцээ бизнесийн салбар, сайн дурын байгууллагад ажиллаж байгаа хүмүүстэй энэ чиглэлээр хамтарч ажиллах талаар тусгай стратеги боловсруулан ажилладаг байна.